Kremet kantarellpasta

Dette er eigentleg ein vegetar-rett henta fra Tara Smak, men eg har ein mann som er over snittet glad i kjøtt. Han er under den oppfatnning at dersom det ikkje vert servert kjøtt, då er det ikkje middag. Eg må seie meg litt einig, og har difor valgt å tilsette bacon til retten. Det er såklart heilt valgfritt, og orginalen er som sagt vegetar.

Du treng dette til 2 personar:

• 150 g bacon
• 250 g kantareller
• 1 liten sjalottløk
• 1 kvitløksfedd
• litt hakka frisk timian
• 200 g pasta
• 100 g chèvre
• 1 dl lett crème frâiche
• 1 dl av pastavatnet
• 0,5 dl grovhakka bladpersille 
• salt og pepar

Slik gjer du:

1.  Rens kantarellen. Del stor sopp i mindre bitar. Skrell og finhakk løk og kvitløk.
2. Steik kantarellen i smør til mesteparten av væska har fordampa. Tilsett løk, kvitløk og timian mot slutten av steiketida. Krydre med salt og pepar.
3. Steik bacon
4. Kok pastaen i salta vatn etter anvisning på pakken og la den renne av seg.
5. Smuldre osten i grove bitar over kantarellene. Tilsett crème frâiche og pastavatn og la det koke saman.
6. Vend inn pastaen slik at den vert dekka med saus. Dryss over persille, og server.