Kjøttboller i tomatsaus

... eller Polpette al sugo, om du vil. Det høres så mykje fancyare ut på italiensk! Oppskriften eg har tatt utgangspunkt i er henta frå Tara Smak. Eg har endra litt på mengde av ingredienser, samt tilsatt litt. Mr. O etterlyste til dømes "carbs", så makaronien for eksempel, er det eg som har lagt til.. Uansett, så brukte eg dette til to personar:

Kjøttboller:

• 3 loffskiver utan skorpe
• 0,75 dl melk
• 300 g kjøttdeig
• 1 egg
• 1 kvitløksfedd
• 25 g parmasan
• frisk bladpersille
• salt og pepar
• 0,5 dl griljermjøl, eller tørre brødsmular
• Olivenolje til steiking

 Tomatsaus:

• 1 sjalottløk
• 1,5 ss olivenolje
• 400 g hermetiske tomatar
• 0,5 ts tomatpurè
• 150 g makaroni
• 0,5 ts sukker
• frisk oregano
• salt og pepar

Framgangsmåte:

Legg loffen i blaut i melka i ca. 15 min. I mellomtida lagar du tomatsausen ved å finhakke løk og steike den i olivenolje i ei panne. Når løken er blank, heller du over tomater og tomatpurè. Ha i sukker, smak til med salt og pepar. La det heile småkoke på svak varme medan du lagar kjøttbollane. Tilsett makaronien slik at den får koketid som anbefalt på pakken.

Ha kjøttdeigen i ein bolle. Klem ut melka fra loffen, skjær den i små bitar, og ha det over i bollen. Tilsett egg og bland alt godt saman. Finhakk kvitløk og bladpersille, og bland dette inn i kjøttblandinga saman med revet parmasan, litt salt og pepar.

Form kjøttbollene, så jevne i størrelse som mulig, for å få jevn steiking. Bruk kaldt vatn og to spiseskjeer. Dypp kvar bolle i griljermjølet. Hell godt med olje i ei steikepanne og steik kjøttbollane på middelsvarme til de er gylne, og gjennomsteikte. Ha de så over i tomatsausen, tilsett finhakka bladpersille og server med godt brød til. Eg anbefalar enten foccacia, eller dette deilige kvitløksbrødet.