Offisielt i gang!

No er det over 2 år sidan me kjøpte huset me bur i. Me kjøpte det usett, tre dagar etter at me oppdaga at det var for salg. Huset er fra tidlig 1900-talet, og var gamaldags innvendig, og ikkje i tipp topp stand akkurat.. Gulrota var at tomten var på 3,5 mål, og at med på kjøpet fekk me eit eldgamalt nøst og garnhus, samt kai og båtplasser - berre nokre minutter frå huset! Dette var me VELDIG interresert i, og me bestemte oss kjapt for å satse, og krysse fingrar og bein for å få mulighet til å bygge draumehuset vårt på tomten på sikt.

Bilete er henta her.

Draumehuset heiter forøvrig LUN, og vert levert av Nordbohus, og dei som ønsker å sjå fleire bileter, og lese meir om huset kan gjere det her.

Som overskrifta tilseier er me no i gang! Me har gjort nokre endringar på huset og tegningane er no klare. Me har tegna kontrakt i dag, og draumen er no eit skritt nærare! Det er framleis mykje som skal klaffe for at dette skal gå smertefritt, og me må spare så mykje me berre klarar framover. Det betyr shoppestopp (igjen) for min del, og eg har difor (med tungt hjarta) sletta ebay-appen og H&M-appen min, og meldt meg utav alle ebay-grupper på facebook.

Det vil nok ta nokre år enda før me faktisk er i hus - men den som ventar på noko godt, ventar ikkje forgjeves!