Sportsvogn

Eg har tidligare skrevet om vogna vår her. Eg har vore kjempenøgd med bag-delen som me brukte det første halve året. Bagen er stor, så eg har hatt god plass til vognpose, samt ekstra plass nede med føtene hans til å oppbevare ting (ekstra klær, babycall, lommebok, leikar osb.). Me brukar framleis bagen til seng når me er på overnatting rundt om, men eg trur me må slutte med det no, for no begynner Eirik å strekke seg etter kanten og prøver å sette seg opp...


I heile mars har me brukt sportsdelen på vogna og Eirik elskar det! Han syns det er så kjekt å få sitte skikkelig oppreist og sjå seg rundt. Det er veldig lett å ta ryggen opp, og å legge den ned igjen. Han søv like godt i sportsdelen som i bagen. Det eineste minuset er at eg har mista den plassen nederst i bagen til oppbevaring. Det er jo på ingen måte eit problem eigentleg, for eg har jo stort sett med meg stelleveska, men eg har no likevel tatt meg i å savne det eit par gongar..

Eg er i alle fall ekstremt nøgd med vogna, både bag- og sportsdelen! Veldig glad for at me gjekk for den! :)

Gul kake

... eller suksesskake som det eigentlig heiter, vart prøvd her i påsken for fyrste gong. Oppskrifta fekk eg av bestemora mi, som igjen har den etter si mor. Veldig kjekt med slike gamle oppskrifter!

Eg syntes kaka vart god, men for min del så er den litt for søt. Neste gang tenker eg difor å ha litt maldonsalt i fyllet. Då trur eg den vert heilt fantastisk! :)

Sidan det er påske passa det jo ekstra godt å bake gul kake! Eg la òg oppå nokre marsipan- og sjokoladebitar for å få den enda meir "påskete". Det viser seg forøvrig at marsipan smakar veldig godt saman med gul krem, så det kan anbefalast! :)

Då har me allereie komt til siste dagen av denne påsken. Det vert rart i morgon når Mr. O skal på jobb igjen.. Me hadde så mange ting me skulle gjere i påsken, som ikkje har blitt gjort, så i dag prøver me desperat å få i havn nokre av planane slik at me slepp å ha dårleg samvittighet for å ha slappa av, vert sosial og berre kost oss resten av påsken... :)

Det fyrste påskeegget

I går var det påskeafta og i den anledning fekk Eirik sitt fyrste påskeegg! Eg hadde eigentleg bestemt meg for å vente til neste år, men så var eg for å handle inn dei siste tinga før påskestengt, og då datt eg over eit veldig skjønt lite påskeegg...

       

Det meste av innholdet kjøpte eg samstundes. Det er to gule smokkar, eit gult minibestikk, ei gul babyskje, samt ein gul smoothie. Eg datt òg over den superskjønne sjiraffen. Det er ein tannkostholdar med sugekopp på, så no har tannkosten til Eirik fått ein fin oppbevaringsplass! :) Den eineste tingen i egget som ikkje er frå Rema er ein bambusbitering med eit bomulltøystykke hengande på. Passande nok er tøyet kvitt med gule prikkar. Denne biteringen fekk me i Goboken i forrige pakke.

Eirik vart først litt paff over at det kom så mykje greier utav egget...! Deretter byrja han å utforske :)
 

Til slutt var han tilsynelatande kjempefornøyd med både egget og innhaldet, og han gliste frå øyra til øyra!

           God påske!    

 

Eirik 7 månader!

I går var det 7 heile månader sidan Eirik kom til verda. Det er heilt absurd å tenke på! Det er rart at noko kan gå så fort og så seint å same tid. På ein måte verkar det som om at tida har flydd, og at han berre plutselig var så stor og ferdig med babystadiet. På ei anna side føles det som om at han alltid har vore her. Eg har liksom gløymt litt korleis livet var før. Eg kan ikkje sjå for meg ein kvardag utan han, og eg klarar ikkje heilt å forstå kva eg brukte dagane mine på før...

 
Det har skjedd mykje i det siste med Eirik! Han et meir og meir fast føde, og me brukar både sjølvstyrt mattilvenning og mating. Det vil seie at me matar han med graut/most-mat med skje til nokre måltid, medan han et sjølv til andre måltid. Då gjer me han bitar av ymse mat - kjøtt, grønsaker, frukt, brød osb. I starten fekk han ikkje i seg noko av bitane, då berre saug han på dei og fekk kjenne smak og konsistens. No dei siste dagane merkar eg stor framgang. Det verkar som om at han begynner å knekke "etekoden". Det er jo ikkje så lett for dei, sidan tunga rullar seg slik som den gjer (tilpassa melkedrikking). Maten vert liksom automatisk dytta utav munnen fram til dei lærer seg å styre dette sjølv.


Han har òg fått to tenn! Den fyrste kom igjennom natt til søndag den 29. mars, og den andre kom igjennom natt til tirsdag. No pussar me difor tannebissar både morgon og kveld.


Mobiliteten har også forbedra seg mykje i det siste - han har lært å krype!! Han kryp ved å legge heile underarmen framfor seg og drar seg fram med den samtidig som han skubber med beina. Han bruker ikkje begge håndflatane slik som mange andre gjer. Han dyttar rumpa opp og spenner i frå. Han kraup slik fyrste gong onsdag 26. mars, og har sidan det fått meir og meir teken på det.
På bilete ovanfor prøvar eg å ha ein slags fotoshoot, men han var meir interressert i å fange kameraet...


Han har òg fått dreisen på sitting, men vil eigentlig aller helst stå. Han grip etter nevane mine, og når eg strekker dei ut til han, tar han tak i meg og spenner beina og trykker magen framover på eit vis. På denne måten får han strakt seg ut og reist seg opp. Då gliser han, og hoppar liksom opp og ned. Han viser med heile seg at det avr det han ville oppnå! Katten er framleis ein slagar, og når ho kjem inn i rommet vert han aldeles oppøst og kryp mot ho så fort han kan! :)

Så ja, det har skjedd utruleg mykje den siste månaden, og det er så kjekt å sjå kor flott han utviklar seg. Det einaste som er likt enda er humøret hans. For ein smilande og blid gut! Det er verkeleg ein fryd å få lov å vere Mammaen hans :)

Overnattingsbesøk

Ein av hovudgrunnane til at me ville bu her som me bur no, er at søstra mi bur rett borti vegen. Me har i vaksen alder blitt veldig nære kvarandre, og me var begge innstilt på å stifte familie ila få år då me kjøpte huset vårt. Difor frista det ekstra å verte naboar. Tenk så koselig og lettvint! Det var berre snakk om ein liten halvtime å gå før òg, men dette er noko heilt anna. No er det under to minutter bort, og det gjer at eg stikk innom nett som det er.

Det gjer det òg lettare å vere sosial etter leggetid. Når Eirik var veldig liten syntes eg det var veldig skummelt å gå nokon plass og la han vere aleine med Mr. O. Ikkje fordi eg ikkje stolar på Mr. O, men sånn er det berre å vere nybakt mamma. Sidan me budde så nære kunne eg likevel gå bort ein tur og sy og mase litt, for dersom Eirik vakna og eg måtte komma heim, så var eg der på null komma svisj!

Viktigst av alt så betyr det at me er naboar at Jenny vert godt kjent med oss, og Eirik med dei, og ikkje minst at Eirik og Jenny vert skikkelig trygge på kvarandre, og glade i kvarandre. Jenny som er ca. 10 månadar eldre enn Eirik viser med heile seg at ho er glad i å vere med Eirik. Ho hoppar og vinkar når me kjem, og grin litt når me går. Når Lisa seier at me skal komme, eller at me skal vere med på tur så hyler ho av fryd! Det er så kjekt! Dei er allereie bestevener :)

I helga var me der på overnatting. Eirik er godt kjent der borte, og finn seg godt til rette på gjesterommet. Det er veldig kjekt å overnatte, for då et Jenny og Eirik felles kvelds, og felles frukost, og så leikar dei fint saman på gulvet. I tillegg betyr det at mamma og pappa kan vere sosial begge to etter at dei er lagt. Det er jo alltid kjekt!

Eg er så glad for at det gjekk seg til slik at me ender opp med å bu her alle saman! Eg gledar meg til mange fine år saman med verdas beste naboar ❤

Eit skritt nærare!

HIPP HURRA!!

På fredag fekk me veldig gode nyheiter;

Byggesøknaden vår vart levert, noko som betyr at dersom alt vert godkjent på første forsøk (satsar på det), så kan me begynne planeringsarbeidet allereie om 4 veker!

Me fekk òg gode nyheieter om den nye bilen til Mr. O, som avkrefta at turboen var øydelagt! =) 

Ein flott inngang til påsken for oss med andre ord!  

Drøymer meg vekk

Me er invitert i bryllaup til eit vennepar i september. Dei skal ha eit vintage-inspirert bryllaup, og det høyres så utruleg fantastisk ut. Bryllaupet skal vere i Romania, og når bruda fortel om detaljane får eg heilt frysningar.


Me fekk invitasjonane for ei stund sidan, og dei er så fine! Eg set å gledar meg til å reisa, samstundes som eg mimrar tilbake til mitt eige bryllaup. Det er så kjekt å planlegge bryllaup, og ikkje minst å gifte seg! Årh - eg vil gjere det ein gang til!! Med same mannen vel og merke! ♥


Bruda er ei fantastisk jente, med ein enorm stilsans! Ho har eit godt auge for detaljar, så eg er heilt sikker på at dette vert eit heilt nydeleg bryllaup!

   

Billettane er i boks, og eg ser verkeleg fram til dette! Ååå - det vert så kjekt!